Kryeministri i Shqipërisë, Edi Rama, ka bërë të ditur se Kompleksit Muzeal të Forcave të Armatosura në Bërzhitë do t’i shtohen hapësira dhe ambiente të reja.
Përmes një postimi në Facebook, Rama theksoi se ky zgjerim synon të lidhë historinë me komunitetin, realitetin me teknologjitë moderne dhe të shkuarën me të ardhmen e Shqipërisë.
“Ky kompleks fuqizohet si një rrëfim arkitektonik dhe ofron jo vetëm një muze në mes të natyrës, por edhe një infrastrukturë të re për inovacionin dhe industrinë e mbrojtjes”, ka shkruar Rama.
