Harry Kane ka bërë një nisje rekord në karrierën e tij në Bundesliga me 11 gola dhe gjashtë asistime në gjashtë ndeshjet e para me Bayern Munich.
Në sezonin e tij të tretë me Bayern Munich, Harry Kane i ka tejkaluar edhe një herë pritjet. Fillimi i tij i sezonit është tashmë histori – 11 gola dhe gjashtë asistime në gjashtë ndeshjet e para të Bundesligës , një rekord i të gjitha kohërave në këtë garë. Askush para tij nuk kishte pasur një ndikim të tillë në një kohë kaq të shkurtër.
Ai ka shënuar në çdo mënyrë – me këmbën e djathtë, me këmbën e majtë, me kokë, me penallti dhe ka dhënë asistime si një organizator i pastër.
Përfshirja e tij e drejtpërdrejtë në 17 gola e ka transformuar Bayernin në një makinë shënimi golash, të aftë për të dominuar si ligën ashtu edhe Evropën.
Qëndrueshmëria është çelësi i suksesit të Harry Kane
Pas dy sezoneve më shumë se pozitive në Gjermani (në sezonin 2023/2024 ai shënoi 44 gola dhe 12 asiste në 45 paraqitje, një rënie e lehtë në sezonin pasardhës, ku ai regjistroi “vetëm” 38 gola dhe 11 asiste në 46 ndeshje), ai ka gjetur mjedisin ideal në klubin e tij të ri për të shprehur potencialin e tij të plotë.
Me Ligën e Kampionëve në synimet e tij dhe Bayernin që dominon Bundesligën, Kane është i thirrur të jetë shumë më tepër sesa një golashënues.
Kompany ka ndërtuar një sistem rreth tij që përmirëson vizionin dhe teknikën e tij, duke e transformuar atë në një nga sulmuesit më të frytshëm në Evropë.
Ndaj Eintracht Frankfurt, pamë evolucionin e rolit të tij të ri. Mjë mesfushor ofensiv i aftë të diktojë ritmin dhe hapësirën.
“Versioni më i frikshëm në karrierën e Harry Kane”
Numrat e vërtetojnë këtë. Pas 11 golave të tij, më të afërtit në listën e golashënuesve janë Uzun (Eintracht) dhe Luis Diaz me pesë, të ndjekur nga Guirassy me katër.
Kohët kur ai garonte për titullin e golashënuesit më të mirë kundër lojtarëve si Salah, Vardy ose Haaland në sezonin e tij të fundit në Ligën Premier, kanë ndryshuar.
Sot, në Bundesliga, Kane nuk shënon vetëm, ai dikton ritmin, ndërton dhe finalizon, një evolucion që e ka çuar atë të jetë versioni më i mirë i vetes.
