Shkollat dhe kopshtet u mbyllën në disa ishuj grekë duke përfshirë Paros dhe Mykonos të martën pasi moti i ashpër solli shi të rrëmbyeshëm, përmbytje dhe stuhi breshëri në detin Egje.
Autoritetet në Paros po përpiqeshin të largonin automjetet e bllokuara nga ujërat me baltë pasi shiu i rrëmbyeshëm përfshiu ishullin, një pikë popullore turistike gjatë verës, vonë të hënën, raporton Reuters.
“Rrugët janë dëmtuar dhe ne kemi nevojë për ndihmë me më shumë makineri në mënyrë që të pastrojmë rrugët”, tha kryetari i Bashkisë së Paros, Kostas Bizas për transmetuesin publik ERT. E gjithë kjo katastrofë ndodhi në dy orë.
