Takimi i 13 tetorit/ Procedurat për liberalizimin e vizave përfundojnë në fund të vitit

Njohësi i politikës së jashtme, Shqiprim Pula shprehet optimist për liberalizimin e vizave të Kosovës.

Në një prononcim për GazetaBlic, Pula thotë se rol të veçantë në këtë çështje kanë ambasadorët e përhershëm të Unionit Evropian, të cilët do të bëjnë vlerësimin e të gjithë raportit në terësi.

“Grupi punues i cili ka marrë në shqyrtim rekomandimin e Komisionit Evropian sot dhe nesër, natyrisht që do të bëjë vlerësimin dhe rekomandimin tek Këshilli.Rol të veçantë, kanë edhe ambasadorët e përhershëm të unionit të cilët do të bëjnë vlerësimin e të gjithë raportit në terësi dhe natyrisht ai do të kërkojë edhe qëndrimin politik të vendeve anëtare për sa i takon kësaj teme”, thotë Pula.

TË NGJASHME

Hyn në fuqi rregullorja për liberalizimin e vizave

2 years më parë

Bëhet e ditur ora se kur do të diskutohet për liberalizimin e vizave për Kosovën

2 years më parë

Sipas Pulës, nëse gjatë takimit të 13 dhe 14 tetori çdo gjë shkon siç duhet atëherë të gjitha procedurat për liberalizimin e vizave do të zgjasin jo më shumë se deri në fund të vitit

“Nëse çdo gjë përcillet, ashtu siç edhe ne e presim dhe të marrë konfirmimin për sa i takon vendimmarrjes pozitive, atëherë deri në fund vit duhet të shtjerren të gjitha procedurat e kërkuara, ku përfshihet publikimi në gazetën zyrtare dhe të vendoset data e hyrjes në fuqi dhe pastaj përfundimisht qytetarët e Kosovës të lëvizin drejt zonave Schengen”, tha Pula.

Kujtojmë se, ish-zëvendësministri i Integrimeve, Taulant Kryeziu, ka treguar sot për tetë hapat deri në liberalizimin e vizave.

Grupi Punues i Këshillit Evropian do të flas për këtë çështje më 12 dhe 13 tetor.

Por liberalizmi i vizave deri në publikimin në gazetën zyrtare kalon në një mori fazash. Kryeziu i ka treguar ato.

1. Këshilli: Miratimi i pozicionit negociues në Këshill

null

2. KE/PE/KBE/: Pajtim në mes të Këshillit dhe PE, Trialogue (Trialogjet janë takime joformale trepalëshe për propozimet legjislative midis përfaqësuesve të Parlamentit, Këshillit dhe Komisionit. Qëllimi i tyre është të arrijnë një marrëveshje të përkohshme për një tekst të pranueshëm për të dy ,Këshillin dhe Parlamentin)

3. Parlamenti Evropian: Votimi në Seancë Plenare të Parlamentit Evropian( në lexim te parë me shumicë te thjesht,ne lexim të dytë me shumicë absolute)

4. Këshilli: Miratimi nga Ambasadorët COREPER II

5. Këshilli : Miratimi nga Këshilli i Ministrave me shumicë te kualifikuar apo ajo që quhet shumicë e dyfishtë 55% te vendeve anëtare, që përfaqëson të paktën 65% te popullsisë se BE-së

6. Ceremonia e nënshkrimit7. Publikimi në Gazetën Zyrtare të BE-së

8. Hyrja në fuqi.