Një ngjarje dramatike është shënuar të premten pasdite në rrugën “Muharrem Fejza” në Prishtinë, ku një i ri ka tentuar të bëjë vetëvrasje duke u hedhur nga kati i tetë i një ndërtese banimi, rapoeton Ekonomia Online.
Sipas raportimeve nga terreni, në vendin e ngjarjes kanë mbërritur njësitë e Policisë së Kosovës dhe ekipet e zjarrfikësve për të menaxhuar situatën.
Falë bashkëpunimit të shpejtë mes qytetarëve të pranishëm dhe autoriteteve, është arritur që i riu të shpëtohet dhe të largohet nga rreziku i menjëhershëm për jetën.
Pamjet nga vendi i ngjarjes tregojnë momentin kur qytetarët duartrokasin lehtësuar, pasi tentimi për vetëvrasje u parandalua me sukses.
Ende nuk dihen arsyet që e shtynë të riun drejt këtij akti, ndërsa autoritetet janë duke hetuar rrethanat e rastit.
EO ka kontaktuar edhe me Policinë e Kosovës dhe është duke pritur përgjigje për rastin.
