Një ngjarje e rëndë ka ndodhur mesditën e të hënës në fshatin Balldre të Lezhës, ku një i moshuar dyshohet të ketë humbur jetën pasi ka rënë në një shpellë natyrore rreth 20 metra të thellë.
Top Channel bën të ditur se viktima është identifikuar si Preng Mandreaj.
Sipas informacioneve, familjarët kishin njoftuar policinë pas largimit të viktimës nga banesa. Pas kërkimeve, ai është gjetur pa shenja jete brenda një shpelle, në një zonë malore përballë shtëpisë së tij.
Forcat zjarrfikëse dhe policia kanë bërë të mundur nxjerrjen e trupit.
