Presidenti amerikan, Donald Trump ka reaguar pasi nuk u kthyen trupat e pengjeve nga Hamasi siç ishte premtuar.
Në një postim në platformën Truth Social, presidenti amerikan shkroi se një “barrë e madhe është hequr” në Lindjen e Mesme, por “puna nuk ka mbaruar”.
Ai shton duke thënë se faza e dytë “fillon tani”.
Trump reagoi 12 orë pas kthimit nga Lindja e Mesme. Ai fillimisht zuri vend qendror në Izrael duke iu drejtuar Knessetit dhe ishte përsëri në qendër të vëmendjes në Egjipt, ndërsa liderët botërorë u mblodhën për nënshkrimin e marrëveshjes së armëpushimit në Gaza.
“Faza e parë” e planit të paqes së Trumpit synonte të adresonte kërkesat kryesore të të dyja palëve – përkatësisht një armëpushim në Gaza dhe kthimin e pengjeve në Izrael.
E dyta do të përqendrohej në rindërtimin e enklavës në një mënyrë që garanton paqe dhe siguri të qëndrueshme. Gjithashtu përfshin hapat e parë drejt çarmatimit të Hamasit. /Klanksosova.tv
