Jorge Bolaño, një ish-lojtar i kombëtares kolumbiane dhe klubeve italiane Parma, Sampdoria, Lecce dhe Modena, vdiq në moshën 47-vjeçare nga një sëmundje e zemrës teksa po shijonte një festë familjare në qytetin e Cúcuta,
Pasi bëri debutimin e tij me Junior de Barranquilla në 1993, ai u ble nga Parma në 1999, ku luajti për shtatë sezone. Më pas ai u transferua në Sampdoria dhe Lecce dhe përfundoi karrierën e tij ndërkombëtare me Modena.
Rikthimi i tij në futbollin kolumbian ndodhi në vitin 2010, në Cúcuta Deportivo, ku ai përfundoi karrierën e tij tre vjet më vonë. Deri vitin e kaluar ai ishte pjesë e ekipit teknik të kombëtares së të rinjve të Kolumbisë U-17.
“Vdekja e Jorge Bolaño lë një boshllëk në zemrat e atyre që e njohën dhe e admiruan. Trashëgimia e tij si futbollist dhe trajner do të vazhdojë të jetojë në kujtesën e sportit kolumbian,” tha Federata Kolumbiane e Futbollit në një komunikatë zyrtare.
