Mund të përmirësojë tretjen, të forcojë barkun dhe proceset metabolike në legen, por edhe t’ju shpëtojë nga dhimbjet e shpinës, poza e bretkosës, vetëm 5 minuta në ditë, forcon trupin
Kjo pozë është e pazëvendësueshme: forcon barkun, përmirëson metabolizmin në zonën e legenit dhe tretjen. Ndoshta është pikërisht poza që gjithmonë e keni kërkuar për veten. Edhe nëse nuk është e lehtë për ta bërë, mund ta përshtatni sipas mundësive tuaja.
Bëhet fjalë për pozën e bretkosës. Kryhet nga 30 sekonda deri në 5 minuta në ditë, mundësisht edhe disa herë në ditë, në mëngjes apo në mbrëmje.
Ky ushtrim është shumë i mirë për shtrirje – kur rrini ulur për shumë kohë, pjesa e poshtme e shpinës ngurtësohet, këmbët tensionohen dhe jo gjithmonë është e lehtë të gjeni ushtrime që japin efekt të shpejtë. Përveç kësaj, poza përmirëson metabolizmin në zonën e legenit, gjë që është e dobishme si për burrat, ashtu edhe për gratë, sepse të qëndruarit ulur shkakton ngecje në qarkullimin e legenit dhe dobëson imunitetin.
Ushtrimi rekomandohet edhe për humbjen e yndyrës rreth barkut dhe për të stimuluar proceset metabolike në zonën e barkut. Gjatë ushtrimit, është e rëndësishme të merrni frymë thellë dhe të mos e mbani frymën, kështu arrihet efekti i masazhit, i cili përshpejton tretjen, ul ndjesinë e rëndesës dhe parehatinë në bark. Përshpejtimi i metabolizmit në zonën e barkut ndihmon në djegien e yndyrës abdominale.
Poza zvogëlon ngarkesën në pjesën e poshtme të shpinës. Përdoret gjithashtu për forcimin e këmbëve në zonën e ijëve. Me shtrirjen dhe uljen e tensionit në këmbë dhe shpinë, përmirësohet gjumi dhe flini më shpejt.
Megjithatë, nëse keni probleme me ndonjë ushtrim, këshillohuni me mjekun, transmeton Telegrafi.
Është më mirë ta bëni ushtrimin pas një ngrohjeje të shkurtër ose në fund të serisë kryesore të ushtrimeve që zakonisht bëni. Ja si të kryeni pozën e bretkosës:
