Data e nisjes së edicionit të katërt të Big Brother VIP Kosova po afrohet me shpejtësi, dhe emocionet mes fansave të formatit janë gjithnjë e më të mëdha.
Spektakli më i ndjekur televiziv në Kosovë do të fillojë zyrtarisht më 17 nëntor, duke shënuar rikthimin e një prej prodhimeve më të përfolura të televizionit.
Edhe pse deri më tani janë zbuluar pak detaje rreth përmbajtjes dhe konkurrentëve të këtij edicioni, pritshmëritë janë të larta.
Foto: Jonida Vokshi / Instagram
Si çdo vit, surprizat më të mëdha pritet të zbulohen pikërisht gjatë natës së parë të spektaklit, kur publiku do të njihet me banorët e rinj që do të hyjnë në shtëpi.
Moderatorja Jonida Vokshi ka ndarë së fundmi disa informacione për ndjekësit e saj në seksionin “pyetje-përgjigje” në Instagram, duke konfirmuar se, ashtu si në edicionet e kaluara, numri i opinionistëve do të jetë dy.
