Paraditen e sotme ministri i Shëndetësisë, Armend Zemaj u taku me kryeministrin e Kosovës, Avdullah Hoti.
Zemaj thotë se në këtë takim u analizua situata epidemiologjike në vend sa i përket COVID-19 e ku u dakorduan edhe për vendimet për festat e fundvitit.
Në këtë takim ku të pranishëm ishin edhe Ministri i Tregtisë dhe Industrisë, Vesel Krasniqi si dhe ministri i Punës dhe Mirëqenies Sociale, Skender Reçica. Veç këtyre në t
“Me kryeministrin, z. Avdullah Hoti, kolegët ministra, Policinë e Kosovës, dhe Inspektoratet, gjatë takimit të sotëm, analizuam situatën epidemiologjike në vend sa i përket COVID-19 dhe u dakorduam për vendimet për festat e fundvitit. Duke i falënderuar të gjithë për punën dhe angazhimin e pareshtur gjatë gjithë kohës, është më se e domosdoshme që ky bashkëpunime dhe bashkërendim i veprimeve të vazhdojë edhe më tej dhe secili në përgjegjësinë e vet t’i zbatoj detyrat me rigorozitet”, ka shkruar Zemaj.
Mes tjerash ai thotë edhe se “Nga sot, pjesë e aktiviteteve tona, do të jetë edhe Inspektorati i punës dhe bashkë me të gjitha inspektoratet tjera do të mbikëqyrin zbatimin e masave anti covid. Bashkë ia dalim!”, ka shkruar Zemaj.
