Një incident me zjarr është raportuar sot paradite në Hajvali të Prishtinës.
Sinjali mëson se rreth orës 11:40 në autoservisin “Burimi” ka shpërthyer zjarr, pasi gjatë prerjes me një mjet pune (brusalic), një mekanik ka shkaktuar shkëndija që fillimisht kanë përfshirë barin përreth dhe më pas një veturë të parkuar, e cila është djegur.
Në vendngjarje kanë dalë njësitë policore, zjarrfikësit dhe hetuesit e Stacionit Policor Jugu, të cilët kanë bërë shuarjen dhe sigurimin e vendit.
Dëshmitari i rastit, B.A rreth 45-vjeçar, ka deklaruar se ngjarja ndodhi gjatë punimeve të mekanikut, ndërsa i dyshuari Muhamet Pira rreth 37-vjeçar pritet të intervistohet nga policia.
Me urdhër të Prokurorit të Shtetit, rasti është iniciuar si “Shkaktim i rrezikut të përgjithshëm”, ndërsa hetimet për këtë incident janë duke vazhduar.
