Deputetja e LDK-së, Jehona Lushaku-Sadriu, tha se pamundësia e sigurimit të shumicës së votave nga Vetëvendosje tregon se gjatë katër viteve të kaluara ka dhënë shembull të keq bashkëpunimi.
“LDK-ja e ka qëndrimin e njëjtë. Ka dhënë sugjerim se si të dilet nga ngërçi politik. Kjo është një shpërfaqje e një partie që ka dalë e para në zgjedhje, por nuk po arrin që ta ketë shumicën. Është e pakuptueshme qysh një parti nuk po mundet ta formojë shumicën, por kjo jep shpjegim që kjo parti gjatë katër viteve të kaluara ka dhënë shembull të keq bashkëpunimi. Nuk ka lënë hapësirë për partneritet dhe kjo duhet të shërbejë si mësim për të gjitha partitë politike, por posaçërisht për VV-në. Diskursi që është përdodur ka qenë jo i natyrshëm, jo normal për një parti politike”, tha Lushaku-Sadriu.
