CEO i kompanisë gjigante të teknologjisë Nvidia, Jensen Huang, ka njoftuar se kompania do të ndërtojë platformën e saj të parë cloud për aplikime industriale të inteligjencës artificiale në Gjermani.
Reuters raporton se teknologjia e re do të ndërthurë Inteligjencën Artificiale me robotikën, duke ndihmuar prodhues të makinave si BMW dhe Mercedes Benz, që nga simulimet e dizajnit e deri të menaxhimi i logjistikës.
Huang poashtu ka prezantuar disa plane me fokus në Evropë, si zgjerimin e qendrave teknologjike në shtatë vende evropiane, hapjen e tregut të fuqisë kompjuterike të Nvidia-s për bizneset evropiane, ndihmë për zhvillimin e modeleve të IA-së në gjuhë të ndryshme si dhe mbështetje për kërkimet farmaceutike.
“Brenda vetëm dy vitesh, do ta rrisim kapacitetin e llogaritjes me IA në Evropë 10 herë,” raportohet të ketë thënë Huang.
E ndërkohë që Evropa ka mbetur prapa SHBA-së dhe Kinës në zhvillimin e teknologjive të IA-së, Komisioni Evropian ka njoftuar në mars se do të investojë 20 miliardë dollarë për ndërtimin e katër fabrikave të Inteligjencës Artificiale.
The post Nvidia nis revolucionin e IA-së industriale në Gjermani: Pjesë e projektit edhe BMW dhe Mercedes appeared first on Gazeta Express.
