Katër super ndeshje në Botërorin 2026 sot, Messi, Mbappé dhe Haaland zbresin në fushë
Botërori 2026 vazhdon sot me katër përballje mjaft interesante në fazën e grupeve, ku në aksion do të jenë disa nga yjet më të mëdhenj të futbollit botëror.
Programi i sotëm nis me ndeshjen Francë – Senegal, një duel që rikthen kujtime nga surpriza e madhe e Botërorit 2002, kur senegalezët mposhtën francezët në ndeshjen hapëse.
Më pas, Norvegjia e udhëhequr nga Erling Haaland do të përballet me Irakun, në një ndeshje ku skandinavët synojnë ta nisin me fitore aventurën e tyre në Kampionatin Botëror.
Vëmendja e madhe e mbrëmjes do të jetë te kampionët në fuqi, Argjentina, të cilët me Lionel Messin në krye do të luajnë ndaj Algjerisë. Argjentinasit synojnë ta nisin mbrojtjen e titullit me tre pikë.
Ndeshja e fundit e ditës do të zhvillohet mes Austrisë dhe Jordanisë, një takim që pritet të jetë i luftuar për pikët e para në grup.
Programi i ndeshjeve për sot:
⚽ Francë – Senegal
⚽ Irak – Norvegji
⚽ Argjentinë – Algjeri
⚽ Austri – Jordani
Tifozët e futbollit pritet të shijojnë një ditë spektakolare, me emra të mëdhenj si Kylian Mbappé, Erling Haaland dhe Lionel Messi që do të kërkojnë të lënë gjurmë në Botërorin 2026.
