Presidentja e Kosovës, Justina Shiroka Pula, ka pritur në takim ambasadorin e Italisë në Kosovë, Maurizio Antonini, me të cilin ka diskutuar për marrëdhëniet ndërmjet dy vendeve dhe mundësitë e zgjerimit të bashkëpunimit bilateral.
Sipas njoftimit, gjatë takimit, Shiroka Pula ka rikonfirmuar marrëdhëniet e shkëlqyera mes Kosovës dhe Italisë, duke shprehur mirënjohje për mbështetjen e vazhdueshme të shtetit italian.
Ajo ka vlerësuar veçanërisht kontributin e Italisë në zhvillimin dhe konsolidimin e shtetit të Kosovës, si dhe përpjekjet për forcimin e pozitës së vendit në arenën ndërkombëtare.
Në takim është theksuar rëndësia e vazhdimit të partneritetit dhe thellimit të bashkëpunimit në fusha me interes të përbashkët.
