Franca testoi aeroplanin “Airbus A380” ku për disa orë, fluturoi mbi Toulouse dhe Nice, i mbushur me vaj kuzhine në vend të kerozinës.
Testi u krye të mërkurën, raportoi CNN. Sipas mediumit amerikan, A380-shi pati motor të tipit Rolls-Royce Trent 900.
Ai u nis nga Aeroporti Blagnac, derisa fluturimi i dytë në drejtim të Nices u testua për mënyrën e ngritjes dhe uljes.
Kompania “TotalEnergies” e furnizoi A380-shin me estere të stërpërpunuara dhe acide yndyrore që nuk përmbajnë aromë dhe sulfur.
“Rritja e përdorimit të SAF-it (derivate shumëpërpunuara) mbetet një rrugë kyç për rritjen e ambicieve të industrisë për emetimet e karbonit deri në vitin 2050”, tha kompania e Airbusit.
Ajo pretendon se aeroplanët që fluturojnë me SAF mund të reduktojnë mes 53% dhe 71% emetimet e karbonit për të përmbushur këtë qëllim.
Airbus planifikon të sjellë në treg avionin e parë në botë me emetime zero deri në vitin 2035.
