Një aksident i rëndë trafiku ka ndodhur pak më parë në autostradën “Ibrahim Rugova”, ku në vendin e ngjarjes kanë dalë ekipet e emergjencës dhe njësitë përkatëse.
Pamjet nga vendi i aksidentit janë dërguar nga lexuesit e Gazetës Sinjali, të cilët kanë raportuar për prezencë të madhe të ekipeve emergjente dhe lëvizje të kufizuar të automjeteve në zonë.
Deri më tani nuk dihet numri i personave të përfshirë apo nëse ka të lënduar si pasojë e aksidentit.
Gazeta Sinjali ka tentuar të kontaktojë Policinë e Kosovës për të marrë informacione zyrtare lidhur me rastin, por deri në momentin e publikimit nuk ka marrë përgjigje.
