Tre persona kanë mbetur të lënduar si pasojë e një aksidenti trafiku që ka ndodhur pasditen e së hënës në Klinë.
Zëdhënësi i Policisë për Rajonin e Pejës, Driton Rugova tha se në këtë aksident ishin të përfshira tri vetura.
Ai theksoi se të lënduarit u dërguan për trajtim mjekësor në Spitalin e Pejës.
“Sot, rreth orës 15:00, Policia është njoftuar për një aksident trafiku që ka ndodhur në Klinë. Në këtë aksident kanë qenë të përfshira tri vetura. Tre persona kanë pësuar lëndime trupore dhe janë dërguar në Spitalin Rajonal në Pejë për trajtim mjekësor”, deklaroi Rugova.
Policia ka dalë në vendin e ngjarjes dhe është duke i hetuar rrethanat që çuan deri te aksidenti.
