Në cilësinë e deputetit më të vjetër, Avni Dehari hapi seancën e parë konstituive të Legjislaturës së XI-të të Kuvendit të Republikës së Kosovës.
Duke iu uruar mirëseardhje deputetëve të zgjedhur më 7 qershor, Dehari përshëndeti edhe trupën diplomatike të pranishme, për të vijuar me punimet e seancës.
Dehari procedoi me pikën e parë të rendit, që konsiston me formimin e Komisionit për verifikimin e mandateve.
Anëtarë të këtij komisioni u propozuan dhe zgjodhën Adnan Rrustemi, Përparim Gruda, Besian Mustafa, Srgjan Popoviq, Time Kadrijaj, Fatma Taçi dhe përfaqësuesit e partive të tjera jo-shumicë.
