Klubi i Ballkanit ka dorëzuar padi në Gjykatën Themelore në Prishtinë kundër Radio Televizionit Dukagjini, meqë rast ka kërkuar dëmshpërblim me vlerë prej 5 milionë eurove.
“Dueli Sportiv” kishte publikuar të mërkurën një artikull ku shkruhej se Ballkani nuk i kishte paguar futbollistët për rreth tre muaj.
Ky lajm, sipas Ballkanit i cili udhëhiqet nga biznesmeni Arsim Kabashi, nuk është i vërtetë.
Klubi ka vendosur të padisë RTV Dukagjinin, saktësisht emisionin “Dueli Sportiv”, për shpifje si dhe ka kërkuar dëmshpërblim me vlerë prej 5 milionë eurove.
