Dmth, Shqipëria s’kaloi as këtë herë.
Në fakt Shqipëria po kalonte por bandat ia thyen rrugen.
Tash dRama vazhdon dhe shpresa shuhet.
Nga nesër, Kosova dhe shqiptarët kudosofshin, nuk duhet të llogarisin më në këtë Shqipëri. Kjo Shqipëri është kthyer tashmë në pengesën kryesore të faktorizimit dhe avancimit të shqiptarëve në Ballkan. Me këtë Shqipëri s’mund të ketë as bashkim as gezim as vajtim se asnjë njëri normal s’mund të pranojë bashkim, gëzim e vajtim me banda kriminale që dhunojnë esencën e demokracisë – lirinë e zgjedhjes dhe shkelin mbi përpjekjet shekullore të një populli.
TË NGJASHME
Pra, fiks në 4 vjeçarin më shpresëdhënës për shqiptarët dhe forcimin e tyre falë ndryshimit në Amerikë dhe rikthimit të shpreses në Kosovë, Shqipëria e huq edhe këtë moment, edhe këtë shans historik.
Prandaj propozoj që ta mbyllim ciklin e zisë dhe të pajtohemi që Shqipëria s’kaloi, kaluan bandat.
Ndërkohë, Kosova duhet të bëhet gati për rolin e saj të ri në Ballkan, atë të koordinimit dhe avancimit të fatit shqiptar dhe të vizionit strategjik afatgjat të kombit. Se na duhet të pakten një shtet normal në këtë dreq shekulli që nisi mbarë e po vazhdon mbrapsht.
