Një vajzë italiane ka qëndruar me orë të tëra mbi kabinën e makinës në këmbë, për të parë nënën e saj të infektuar me COVID në dritaren e spitalit.
Fotoja është shkrepur nga një banor që jetonte afër spitalit, “Salvatore Amura”. Ai ka treguar shpresën e vajzës për të parë nënën e saj, e cila ndodhet e shtruar në spitalin Covid në Como të Italisë. Ajo ka qëndruar rreth 7 orë në këmbë duke shpresuar se do të shikonte nënën e saj.
“Në këtë situatë ndodh të shohësh familjarë dhe miq të cilët përpiqen të përshëndesin njerëzit e tyre, t’i bëjnë ata t’i ndjejnë afër, kjo është një fotografi që e bën zemrën të ndjejë.
Vajza qëndronte aty dhe nuk dorëzohej nga ora 10 e mëngjesit, deri në 5 pasdite, momenti kur unë bëra foton. Shpresoj që kjo situatë të mbarojë e çdo gjë të kthehet normalitetit”,- shkruan Salvatore në rrjetin e tij social.
![](https://i1.wp.com/rilindjashqiptare.com/wp-content/uploads/2020/11/Screenshot_20201124-192211_Facebook.jpg?resize=661%2C440&ssl=1)