Ish-kryeministri i Kosovës, Avdullah Hoti, ka kritikuar qëndrimin e LVV-së dhe ministres së Ekonomisë, Artane Rizvanolli, lidhur me eksportin e thëngjillit.
Në një postim në Facebook, Hoti thotë se Kosova po krenohet që po eksporton thëngjill, e në anën tjetër po e importon energjinë e prodhuar nga ai thëngjill.
“Kushdo që merr vesh në ekonomi, e di se vendi që eksporton lëndë të parë dhe importon produktin e gatshëm të prodhuar plotësisht nga ajo lëndë e parë, siç është rasti konkret, tregon varfërinë e vet ekonomike dhe mungesën e vizionit për zhvillim.
Sa të padijshëm e sa të mbrapshtë”, thotë Hoti.
Ky është postimi i plotë i tij:
Pas anulimit të projekteve madhore energjetike, Kosova tash krenohet me eksportin e thëngjillit. E nga ana tjetër, importon enegjinë e prodhuar nga ai thëngjill.
Dhe kjo ndodh pas 6 vitesh të LVV-së në krye të qeverisë, gjatë të cilave vite asnjë kapacitet i ri energjetik stabil nuk është ndërtuar, as me thëngjill e as me gaz.
Ky na qenka “transicioni energjetik” i Kosovës nën udhëheqjen e VV-së.
Kushdo që merr vesh në ekonomi, e di se vendi që eksporton lëndë të parë dhe importon produktin e gatshëm të prodhuar plotësisht nga ajo lëndë e parë, siç është rasti konkret, tregon varfërinë e vet ekonomike dhe mungesën e vizionit për zhvillim.
Sa të padijshëm e sa të mbrapshtë.
