Në Villa d’Este Concours d’Elegance, një ndërtues karrocerish italiane doli me diçka të ndryshme – prezantoi Bovensiepen Zagato.
Nëse emri Bovensiepen ju duket i njohur, kjo është sepse Andreas dhe Florian Bovensiepen, bijtë e themeluesit të Alpine, Burkard Bovensiepen, të ndjerë së fundmi, kanë themeluar një kompani të re, të pavarur nga Alpine, e cila tani është në pronësi të BMW-së.
Krijimi i tyre i parë është ky model ekskluziv i zhvilluar në bashkëpunim me Zagato-n. Siç pritej, baza nuk është një kupe, por një kabriolet, me çatinë prej pëlhure të hequr.
Do ta njihni nga mungesa e shtyllave B dhe dritaret anësore të pasme që ulen – duke i dhënë siluetën e një kupeje të vërtetë. Në vend të një çatie, ajo ka dizajnin e famshëm të Zagato-s me “flluskë të dyfishtë”, të frymëzuar nga modelet e viteve të 50-ta.
Gjithashtu ka rrota të reja të fellne prej 20 inç, ndërsa dritat e pasme zbulojnë origjinën e M4. Shumica e paneleve të karrocerisë janë bërë nga fibra karboni, dhe pjesa e përparme është ridizajnuar plotësisht – me një kapak të zgjatur dhe një hyrje ajri të riformuar.
Difuzori i pasmë është më agresiv, me dy tuba shkarkimi Akrapovich prej titaniumi, të cilat janë 40% më të lehta se ai i fabrikës. Pjesa e pasme duket krejtësisht ndryshe, por brendësia ende thotë qartë se është një BMW – dhe kjo nuk është diçka e keqe.
Lëkura blu dhe Alcantara dekorojnë kabinën, por fryma e M4 mbetet e pranishme. Nën kapak është një motor i përmirësuar 3-litra me gjashtë cilindra në linjë me dy turbokompresorë, i cili zhvillon 602 kuaj-fuqi, më shumë se 3.0 CSL, BMW më i fuqishëm me një motor gjashtë cilindrash në linjë deri më sot.
