Princi Harry po shqyrton alternativa që Meghan Markle dhe dy fëmijët e tyre, princi Archie dhe princesha Lilibet, të mund të udhëtojnë në Mbretërinë e Bashkuar gjatë korrikut, pasi planet fillestare janë vënë në pikëpyetje për shkak të shqetësimeve mbi sigurinë.
Sipas The Telegraph-it, Harry po mendon që Meghan dhe fëmijët të udhëtojnë në Britani vetëm për një ditë. Kjo zgjidhje vjen pasi familjes iu refuzua mbrojtja policore e financuar nga shteti për vizitën e planifikuar.
Një burim pranë dukës dhe dukeshës së Sussex-it tha për gazetën se Ministria e Brendshme britanike, përgjegjëse për çështjet e sigurisë publike, “ka krijuar qëllimisht kushte që e bëjnë pothuajse të pamundur udhëtimin e sigurt të familjes”.
Megjithatë, Harry thuhet se është “i dëshpëruar” që Archie dhe Lilibet të ribashkohen me gjyshin e tyre, mbretin Charles, të cilin nuk e kanë takuar që nga viti 2022.
“E gjithë situata e pasigurt lidhur me sigurinë dhe spekulimet e vazhdueshme se ku do të qëndrojë familja po e bëjnë gjithnjë e më të vështirë planifikimin për ekipin privat të sigurisë”, tha i njëjti burim për The Telegraph-in. “Harry është një njeri i fortë, ish-ushtarak dhe di t’i përballojë situata të tilla. Shqetësimi më i madh është ndikimi që këto momente mund të kenë te fëmijët.”
Sipas raportimit, Harry po shqyrton mundësinë që Meghan dhe fëmijët të fluturojnë drejt Britanisë vetëm për një ditë. Gazeta shton se familja besohet se ndodhet tashmë në Europë për pushime.Discover moreSkin care productsAlcoholic BeveragesTeaVaccine information serviceCelebrity news updatesMedical consultation serviceCelebrity gossip magazineHealth news subscription
The Telegraph pretendon gjithashtu se Harry ka marrë garanci nga Pallati Buckingham se ende ka “shpresë” për një takim familjar me mbretin Charles.
Ndërkohë, më 28 qershor, The Guardian raportoi se Qeveria britanike refuzoi kërkesën e Harry-t për mbrojtje policore jashtë rezidencave mbretërore, duke rrezikuar kështu rikthimin e familjes në Mbretërinë e Bashkuar.
Një burim pranë princit tha për gazetën se Harry nuk është i gatshëm t’i ekspozojë Archie-n dhe Lilibet-in ndaj rrezikut që të “ndiqen nga paparacët kudo që të shkojnë, që nga momenti kur zbresin nga avioni”.
Sipas të njëjtit burim, Harry po kërkon mënyra të tjera që vizita të realizohet, por ka frikë se kjo nuk do të jetë e mundur pa masa të përshtatshme sigurie.
