Policia e Kosovës është duke zhvilluar bastisje në tri lokacione të vendit. Bastisje po kryhen edhe në Ministrinë e Mjedisit, Planifikimit Hapësinor dhe Infrastrukturës, që udhëhiqet nga Liburn Aliu.
Aksioni po zhvillohet lidhur me ndërtimet në Brezvovicë.
Lajmin për Gazetën Express e ka konfirmuar Kryeprokurori i Prokurorisë Themelore e Ferizajt, Shukri Jashari.
“Po, janë duke u kryer bastisje. Aksioni është duke u zhvilluar në Prishtinë, Ferizaj dhe Shtërpcë. Bastisje janë duke u kryer edhe në Ministrinë e Mjedisit dhe Planifikimit Hapësinor. Është vazhdimësi e aksionit të 21 dhjetorit, pra për ndërtimet në Brezovicë. Deri tash s’ka të arrestuar, meqenëse bastisjet po vazhdojnë ende”, ka thënë Jashari.
