Fitorja e thellë e Anglisë ndaj Iranit me rezultat 6-2 mund të mos sjellë gëzim të madh te adhuruesit e kësaj skuadre pasi në këtë ndeshje u dëmtuar kapiteni i saj, Harry Kane.
Sulmuesi qendror u rrëzua në tokë pas një goditjeje të rëndë nga Morteza Pouraliganji në pjesën e dytë dhe më pas u largua nga fusha.
Edhe pse ende nuk janë bërë ekzaminimet mjekësore, trajneri Gareth Southgate ka hedhur poshtë çdo shqetësim për gjendjen fizike të Harry Kane pasi kapiteni i Anglisë dukej se kishte dhimbje në këmbën e tij.
“Unë mendoj se Harry është mirë. Dukej si një ndërhyrje e keqe, por ai vazhdoi lojën. Ne e hoqëm atë sepse menduam se ishte një moment në lojë që mund ta bënim këtë,” tha trajneri i Anglisë pas ndeshjes.
