Tesla ka tërhequr 63,619 automjete Cybertruck për shkak të një problemi softuerik që prek dritat e parkimit të përparme.
Sipas raportimeve, dritat e përparme janë shumë të ndritshme për shkak të defektit të lartpërmendur dhe mund të shqetësojnë shoferët që vijnë nga drejtimi i kundërt, raporton Reuters .
Zgjidhja e softuerit është tashmë e disponueshme nëpërmjet një përditësimi OTA (over-the-air) që është falas për automjetet e prodhuara midis 13 nëntorit 2023 dhe 11 tetorit 2025.
Kompania e zbuloi problemin gjatë një auditimi të brendshëm dhe nuk ka marrë raporte për aksidente, lëndime ose vdekje që lidhen me defektin e lartpërmendur.
Tesla tërhoqi 12,963 automjete Model 3 dhe Model Y një javë më parë për shkak të një defekti në bateri që mund të shkaktojë humbje të fuqisë së shtytjes.
Rregullatori amerikan NHTSA hapi më parë një hetim për 2.88 milionë automjete Tesla të pajisura me një sistem plotësisht autonom, pas më shumë se 50 raportimeve për incidente sigurie.
Pavarësisht këtyre sfidave, Tesla raportoi shitje rekord në tremujorin e tretë të vitit 2025, por fitimet nuk i përmbushën pritjet e analistëve për shkak të tarifave, kostove të kërkimit dhe një rënie të të ardhurave nga kreditë rregullatore.
