Renderët e telefonave inteligjentë të ardhshëm Pixel 10, Pixel 10 Pro dhe Pixel 10 Pro XL të Google u shfaqën në mars dhe zbuluan dizajnin e tyre, dhe tani është zbuluar pamja e modelit të palosshëm Pixel 10 Pro Fold.
Pixel 10 Pro Fold është i ngjashëm me paraardhësin e tij, Pixel 9 Pro Fold. Videoja e renderit nuk e shfaq atë në formën e tij të palosur, ndërsa pretendohet se është 0.2 mm më i trashë kur shpaloset sesa Pixel 9 Pro Fold.
Përmasat e tij thuhet të jenë 155.2 x 150.4 x 5.3 mm, ndërsa paraardhësi i tij ka përmasat 155.2 x 150.2 x 5.1 mm kur shpaloset. Megjithatë, ato mund të jenë të barabarta kur telefoni të dalë në treg.
Specifikimet e plota aktualisht nuk dihen, por thashethemet sugjerojnë se do të mundësohet nga një procesor Tensor G5 i çiftuar me 16 GB RAM dhe 256/512 GB memorie të brendshme.
Prezantimi pritet në gusht me modelet Pixel 10, Pixel 10 Pro dhe Pixel 10 Pro XL, shkruan Android Headlines.
