Ushtruesi i detyrës së kryetarit të PDK-së Enver Hoxhaj ka deklaruar se nëse dikush dëshiron t’i ketë votat e kësaj partie për presidentin, atëherë paraprakisht duhet të llogarisin që kandidati për këtë post duhet të jetë i propozuar nga PDK.
Ai në Debat të RTK-së ka theksuar se PDK nuk ka vota për kandidatët nga koalicioni qeverisës, teksa ka hedhur poshtë edhe një herë mundësinë e hyrjes së kësaj partie në Qeverinë Hoti.
“Nuk kemi vullnet e as dëshirë të jemi pjesë e qeverisë, por as ofertë nga LDK”, ka thënë Hoxhaj.
