Qeveria e Kosovës në mbledhjen e mbajtur të premten ka miratuar projekt rregulloren për fushat e përgjegjësisë së zyrës së kryeministrit dhe ministrive.
Kryeministri Albin Kurti me fillim të mbledhjes ka kërkuar nga ministrat e tij që sa më shpejt ti sjellin të gjitha vendimet e propozuara në tavolinën e tij.
Ai tha se rregullorja e re i hap rrugë sistemimit të përgjegjësive të kryeministrit dhe ministrave.
“E di që ka vendime të shumta që janë duke u përgatitur nga të gjitha ministritë dhe që janë urgjente, por sot është një vendim me urgjent që është rregullorja e re e cila i hap rrugë sistemimit të përgjegjësive që kemi në kryeministri dhe ministri të ndryshme”, tha Kurti.
