Real Madrid po shqyrton mundësinë e transferimit të Erling Haaland në rast se nuk arrin të rinovojë kontratën me Vinicius Junior.
Sipas mediumit spanjoll SPORT, presidenti Florentino Perez e konsideron sulmuesin norvegjez si zëvendësuesin ideal të brazilianit, i cili do të hyjë në vitin e fundit të kontratës së tij.
Megjithatë, transferimi i Haaland pritet të jetë shumë i vështirë, pasi ai ka kontratë me Manchester City deri në vitin 2034 dhe klubi anglez nuk ka ndërmend ta shesë. Për më tepër, çdo ofertë për norvegjezin pritet të kalojë vlerën e 200 milionë eurove.
Pavarësisht spekulimeve, Vinicius mbetet pjesë e Real Madridit dhe nuk ka shfaqur dëshirë për t’u larguar.
