Rita Ora ka publikuar së fundmi në rrjetet sociale një seri fotografish nga paraqitjet e saj gjatë turneut veror, duke ndarë me ndjekësit disa prej momenteve më të veçanta nga koncertet e këtij sezoni.
Krahas fotografive, këngëtarja shqiptaro-britanike u ka dërguar një mesazh fansave që do ta ndjekin në koncertin e radhës në Ohër.
“Mezi pres të festoj me ju këtë të shtunë në Ohrid Summer Festival. Shihemi shumë shpejt”, ka shkruar Rita Ora.
Artistja do të performojë këtë të shtunë në stadiumin “Biljanini Izvori”, në kuadër të Ohrid Summer Festival.
Interesimi për koncertin raportohet se është i madh, ndërsa biletat vazhdojnë të jenë në shitje.
Rita Ora ka zhvilluar deri më tani disa koncerte në kuadër të turneut të saj veror, duke performuar në Zvicër dhe Finlandë. Pas ndalesës në Maqedoninë e Veriut, ajo pritet ta vazhdojë turneun me koncerte në Poloni dhe Republikën Çeke.
E njohur për performancat energjike dhe produksionin skenik, Rita Ora pritet të dhurojë një tjetër mbrëmje të veçantë për publikun në Ohër.
