Cingerr me mbi 17 vjet përvojë në zhvillimin e infrastrukturave teknologjike të bizneseve dhe mirëmbajtjen dhe sigurinë e mediave online në Kosovë dhe Shqipëri, ka arritur një rekord të ri.
Kompania e themeluar nga eksperti i sigurisë kibernetike, Hekuran Doli, ka shënuar rekord në numrin e përdoruesve aktivë që po i qasen infrastrukturës së saj në kohë reale.
Kjo u bë e ditur nga vetë Doli me anë të një postimi në Facebook, përcjell Telegrafi.
“183.480 usera ne kohe reale po i qasen infrastruktures se Cingerr ne keto momente. Nje prej statistikave ma te mira qe i kemi pasur deri me tash. Qytetaret po i shfletojne portalet me lehtesi, ndersa ne në keto ore po perpiqemi maksimalisht qe eksperienca e gazetareve dhe vizitoreve te jete mire”, shkroi themeluesi i Cingerr.
Ndërkohë që qytetarët po informohen nga portale të ndryshme, Cingerr është deklaruar e gatshme për të siguruar një eksperiencë të shkëlqyer për të gjithë përdoruesit.
Puna intensive e këtij ekipi është përqendruar në ofrimin e një performance të shkëlqyer, për të garantuar që përdoruesit të shfletojnë portalet pa pengesa dhe me shpejtësi maksimale.
Suksesi i Cingerr në arritjen e këtij numri rekord të përdoruesve tregon qartë se platforma po e plotëson me sukses nevojën e qytetarëve për informacione dhe shërbime të shpejta.
Ndryshe edhe Telegrafi gjatë ditës së djeshme në ditën e zgjedhjeve ka pasur një numër rekord të lexueshmërisë me mbulim profesional të lajmeve në kohë reale.
Cingerr është ofrues i shërbimeve Cloud dhe për 17 vite shërben platformat më të rëndësishme në Kosovë, duke përfshirë edhe Telegrafi.com.
