Në nderim të Bacit Haxhi Thaqi, Shoqata e Veteranëve të Luftës shpreh ngushëllimet më të thella për familjen e tij, si dhe për të gjithë ata që e njohën dhe e nderuan gjatë jetës së tij. Baca Haxhi ishte një figurë e shquar e kombit, një mburojë e fisit dhe e atdheut, një udhëheqës i guximshëm që qëndroi i palëkundur nga rinia e tij, deri në vitet e pleqërisë.
Në këtë moment të dhimbshëm, ngushëllimet tona shkojnë gjithashtu edhe për familjen e tij në vendlindje dhe në Hagë. Ajo që e karakterizoi Bacën Haxhi ishte përkushtimi i tij i palëkundur ndaj idealit të lirisë dhe drejtësisë për popullin tonë. Një hero i vërtetë që do të kujtohet gjithmonë për sakrificat e tij.
