Tre persona kanë mbetur të lënduar si pasojë e një shpërthimi që ka ndodhur mëngjesin e sotëm në një lokal në rrugën “4 Dëshmorët” në Podujevë, transmeton IndeksOnline.
Sipas Policisë së Kosovës, rasti është raportuar rreth orës 08:30, ndërsa bazuar në informacionet e para dyshohet se shpërthimi është shkaktuar nga një bombolë gazi.
“Njësitë policore kanë dalë menjëherë në vendin e ngjarjes, ndërsa të lënduarit janë dërguar për trajtim mjekësor në Emergjencën e qytetit”, ka thënë për IndeksOnline, zyrtarja për informim në policinë rajonale të Prishtinës, Flora Ahmeti.
Policia po vazhdon hetimet për sqarimin e plotë të rrethanave të rastit.
