Një person ka mbetur i plagosur mbrëmjen e së premtes pas të shtënave me armë zjarri në lagjen nr. 4 të Sarandës.
Sipas informacioneve paraprake, i plagosuri është transportuar me urgjencë në Spitalin e Sarandës, ku po merr trajtim mjekësor.
Menjëherë pas incidentit, në vendngjarje kanë dalë forca të shumta policore, të cilat kanë rrethuar zonën dhe kanë nisur veprimet e para hetimore për zbardhjen e plotë të rastit.
Deri më tani nuk janë bërë të ditura shkaqet e ngjarjes, identiteti i personit të plagosur apo autorët e dyshuar.
