“Nëse NATO nuk i mbron serbët e Kosovës, atëherë duhet ta bëjë Serbia”, ka qenë deklarata e së dielës e presidentit serb, Aleksandër Vuçiq që ka ngjallur shqetësime e reagime në botë.
Renata Alt, deputete gjermane ka thënë se Vuçiq duhet të jetë i vetëdijshëm se çdo veprim serb në Kosovë e prish rendin ndërkombëtar.
“Kërcënimet e Vuçiqit për të “mbrojtur” pakicat serbe duke ndërhyrë në rast emergjence po luajnë me zjarrin. Edhe pse Beogradi nuk e njeh Kosovën, Vuçiq duhet të jetë i vetëdijshëm, d.m.th. çdo veprim serb në Kosovë e prish. rendin ndërkombëtar”, ka shkruar ajo në Twitter.
#Vucic’s Drohgebärden, serbische Minderheiten im Notfall durch Eingreifen zu „schützen“ ist ein Spiel mit dem Feuer. Obwohl Belgrad 🇽🇰 nicht anerkennt, muss Vucic bewusst sein, d. jede serb. Handlung im #Kosovo e. Bruch mit d. internationalen Ordnung wäre. https://t.co/Yoh3KL6SKC
— Renata Alt (@RenataAlt_MdB) August 22, 2022
Reagim ka pasur edhe analistja Johannna Deimel e cila deklaratën e Vuçiqit e ka quajtur si joliberale, si dhe mundësi e rritjes së ndikimit rus në rajon.
“Kërkesa e Vuçiqit për mbrojtjen e NATO-s është një lojë famëkeqe, por e rrezikshme propagandistike. Përpjekjet joliberale për destabilizimin dhe ndikimi rus në rajon”, ka shkruar ajo në Twitter, të hënën.
Vucic's demand for Nato protection is an infamous but dangerous propaganda game. Illiberal destabilization attempts and Russian influence in the region have been increasingly successful in Bulgaria, Serbia-Kosovo relations, Bosnia and Montenegro. https://t.co/zb6dQM9F15
— Johanna Deimel (@johanna_deimel) August 22, 2022
Me deklaratën e Vuçiqit janë marrë edhe mediat ndërkombëtare.
Po ashtu në media është raportuar se Vuçiqi nuk ka ofruar as edhe një fakt për “persekutimin” e supozuar të serbëve nga Kosova.
Gjuha e Vuçiqit është përafëruar me atë të presidentit rus, Vladimir Putin.
