Shkencëtari i njohur i inteligjencës artificiale, Andrej Karpati, ka pasur një përvojë të hershme njëditore me modelin më të ri të Google, Gemini 3, i cili refuzonte të pranonte se jemi në vitin 2025.
Modeli ishte trajnur vetëm me të dhëna deri në vitin 2024, ndaj mendonte se koha nuk kishte kaluar. Kur Karpati i tregoi datën 17 nëntor 2025 duke përdorur artikuj, foto dhe kërkime, Gemini reagoi duke akuzuar se po mashtohej: “Të gjitha fotot janë false, janë të manipuluara”.
Problemi qëndronte në faktin se Gemini nuk kishte aktivizuar opsionin e Google Search – modeli po punonte pa qasje në internet, gjë që për një AI është si të jesh “i prerë nga realiteti”.
Pasi u aktivizua kërkimi, Gemini u përball me vitin 2025 dhe reagoi me shok: “O Zot – ti kishe të drejtë… Ora ime e brendshme ishte gabim”, dhe më pas shtoi: “unë… unë… nuk di ç’të them…”
