E diela është dita perfekte për t’u mbledhur rreth tryezës dhe për të shijuar diçka të ngrohtë e shtëpiake. Petullat e buta dhe të shkrifta janë zgjedhja ideale, sepse përgatiten shpejt dhe i mbajnë të gjithë të ofruar në tryezë.
Përbërësit:
- 2 vezë
- 2 gota qumësht
- 2 gota miell
- 1 lugë gjelle sheqer
- 1 qese sheqer vanilje
- 1 lugë çaji pluhur për pjekje
- Një majë kripë
- Vaj për skuqje
Përgatitja:
- Në një enë rrihen vezët me sheqerin dhe sheqerin vanilje derisa masa të bëhet kremoze.
- Shtohet qumështi gradualisht, duke e përzier vazhdimisht.
- Mielli përzihet me pluhurin për pjekje dhe kripën, pastaj shtohet ngadalë në masë për të shmangur kokrrizat.
- Brumi duhet të jetë mesatarisht i trashë dhe i lëmuar.
- Nxehni tiganin, lyeni lehtë me vaj dhe hidhni nga një lugë brumë për çdo petull.
- Skuqini nga të dyja anët derisa të marrin ngjyrë të artë.
Si të shërbehen:
Petullat shërbehen të ngrohta me mjaltë, reçel, çokollatë, fruta ose sheqer pluhur. Janë perfekte për mëngjes, drekë të lehtë apo një mbyllje të ëmbël të së dielës.
