Të paktën 220 persona dyshohet se kanë humbur jetën nga shpërthimi i Ebolës, deklaroi të hënën kreu i Organizatës Botërore të Shëndetësisë.
Tedros Adhanom Ghebreyesus tha se, për shkak të vonesës në zbulimin e rasteve, punonjësit shëndetësorë tani po “përpiqen të rikuperojnë kohën e humbur”.
Njoftimi erdhi ndërsa autoritetet shëndetësore të Uganda raportuan dy raste të reja me Ebola të hënën, duke e çuar numrin total të të infektuarve atje në shtatë, pasi numri i rasteve të dyshuara në Republikën demokratike të Kongos fqinje kaloi mbi 900.
Të gjitha rastet lidhen me shpërthimin në Kongo, i cili duket se kishte nisur disa ditë ose javë përpara se autoritetet e atij vendi ta shpallnin zyrtarisht epideminë më 15 maj.
