Pak ditë pas eliminimit me Brazilin, Neymar Jr shfaqet në Botërorin e pokerit!

Sulmuesi i njohur mori pjesë në World Series of Poker (WSOP), turneun më prestigjioz të pokerit në botë, i cili po zhvillohet në Las Vegas të Shteteve të Bashkuara të Amerikës.

Pamjet e Neymarit në sallën e garave kanë tërhequr vëmendjen e mediave dhe tifozëve, pasi braziliani duket se ka zgjedhur të kalojë kohën duke ndjekur një nga pasionet e tij më të njohura jashtë futbollit.

Video: https://x.com/metropoles/status/2076295992668742059?s=46&t=47HjVAEmcEcb33Hue0G28g

Neymar njihet prej vitesh si një adhurues i pokerit dhe ka marrë pjesë në disa evente të rëndësishme ndërkombëtare, ndërsa paraqitja e tij në WSOP vjen menjëherë pas zhgënjimit të Brazilit në Botërorin 2026.