Kompania Rajonale e Ujësjellësit “Prishtina” ka njoftuar konsumatorët për një ndërprerje emergjente të furnizimit me ujë të pijshëm, si pasojë e një defekti në rrjetin e ujësjellësit në Hajvali.
Sipas njoftimit, ka ndodhur pëlcitja e një tubacioni të ujësjellësit me diametër DN 200, në afërsi të stadiumit në Hajvali.
Si pasojë e këtij defekti, furnizimi me ujë të pijshëm është ndërprerë në disa zona.
Zonat e prekura janë: Veterniku, zona afër Gorenjes, një pjesë e Hajvalisë, si dhe zona te Rezonanca.
KRU “Prishtina” ka bërë të ditur se ekipet teknike janë në terren dhe po punojnë për sanimin e defektit dhe rikthimin e furnizimit të rregullt me ujë të pijshëm.
Kompania ka kërkuar mirëkuptimin e konsumatorëve deri në përfundimin e ndërhyrjes.
