Deputeti Mefail Bajqinovci ka vendosur të jetë më i qasshëm për qytetarët, duke publikuar numrin e tij të kontaktit në WhatsApp. Në një postim në rrjetet sociale, ai ka theksuar se pas zgjedhjeve dëshiron të qëndrojë pranë popullit dhe të jetë i hapur për çdo shqetësim, sugjerim apo pyetje nga qytetarët.
“Si argat i popullit për 4 vitet e ardhshme, do të jem gjithmonë i hapur për shqetësimet, sugjerimet dhe pyetjet tuaja. Qëndroj në shërbimin tuaj dhe do të vazhdoj të punoj me përkushtim për të mirën e përbashkët,” ka shkruar Bajqinovci.
Ky veprim ka ngjallur reagime të ndryshme, me shumë qytetarë që e kanë vlerësuar transparencën dhe përkushtimin e tij për të mbajtur një komunikim të drejtpërdrejtë me publikun. Mbetet për t’u parë se sa efektiv do të jetë ky kanal komunikimi në përmirësimin e lidhjes mes deputetit dhe qytetarëve që ai përfaqëson.
