Një shtetas kosovar i kërkuar me letërrreshtim ndërkombëtar përmes INTERPOL-it është ekstraduar nga Hungaria në Kosovë, raporton Sinjali
Sipas njoftimit të Policisë së Kosovë, ekstradimi është realizuar më 7 korrik 2026 nga Drejtoria për Bashkëpunim Ndërkombëtar Policor, në koordinim me njësitet tjera relevante të Policisë së Kosovës dhe institucionet e drejtësisë.
I dyshuari ishte arrestuar nga autoritetet hungareze, pasi kërkohej përmes INTERPOL-it me letërrreshtim ndërkombëtar, të lëshuar nga institucionet e drejtësisë së Kosovës për veprën penale “Armëmbajtje pa leje dhe fshehje e provave”.
Sipas Policisë, i dyshuari i ishte shmangur drejtësisë para arrestimit të tij nga autoritetet hungareze.
“Ekstradimi u realizua bazuar në ligjet në fuqi dhe falë bashkëpunimit të ngushtë mes institucioneve të Republikës së Kosovës dhe atyre të Hungarisë. I dyshuari pas ekstradimit u është dorëzuar njësive përkatëse policore për vazhdim me procedurat tjera ligjore”, thuhet në njoftimin e Policisë së Kosovës.
