Kandidatja për deputete nga Lidhja Demokratike e Kosovës, Hykmete Bajrami, ka sfiduar publikisht kryeministrin në detyrë, Albin Kurti, duke i bërë thirrje për një debat të drejtpërdrejtë lidhur me qeverisjen dhe premtimet e ekzekutivit.
Përmes një postimi në facebook, Bajrami ka akuzuar Kurtin për deklarata të pavërteta dhe ka thënë se ai po shmang përballjen publike me kundërshtarët politikë.
“Po gënjen publikisht.E di që Albin Kurti nuk vjen në përballje me mua. Por ju garantoj se do t’i dilja përballë jo vetëm atij, por edhe krejt kabinetit të tij qeverisës bashkë. Dhe ju garantoj se me fakte dhe me dokumente të qeverisë së tij, jam në gjendje ta demantoj secilën të pavërtetë që po e thotë sonte. Secilën. Prandaj ikë nga përballja, sepse propaganda rrëzohet kur përballet me fakte”, ka shkruar Bajrami.
