Sulmuesi i Kombëtares së Kosovës, Vedat Muriqi, ka folur për rikthimin e tij te Fenerbahçe, duke e cilësuar këtë moment si të veçantë në karrierën e tij.
Pas aventurës në La Liga me Mallorcën, Muriqi është rikthyer në Stamboll, në klubin ku kishte luajtur edhe më parë, gjatë sezonit 2019/2020.
Në një intervistë për televizionin zyrtar të klubit, ai ka theksuar se rikthimi te Fenerbahçe ka një domethënie të madhe personale dhe profesionale.
“Është një nder dhe krenari të jem këtu. E kam kuptuar sa shumë më kishte munguar ky klub dhe kjo atmosferë,” ka deklaruar Muriqi.
Ai ka shtuar se eksperienca e fituar në Evropë e ka ndihmuar të rritet si lojtar dhe të kthehet më i përgatitur.
“Tash jam një lojtar tjetër, më i pjekur dhe me më shumë përvojë, por edhe më i uritur për sukses,” është shprehur sulmuesi kosovar.
Muriqi ka theksuar se objektivi kryesor i Fenerbahçes mbetet titulli i kampionit, duke shtuar se është i gatshëm të kontribuojë në çdo mënyrë për ekipin.
“Do të jap maksimumin, qoftë me gola, asistime apo punë në fushë. Synimi ynë është trofeu dhe besoj se mund ta arrijmë,” ka përfunduar ai.
