Presidenti i Ukrainës, Volodymyr Zelensky ka thënë se 17 rajone në të gjithë vendin po përballen me një situatë të vështirë lidhur me furnizimin me energji elektrike.
Zelensky u shpreh se situata më e vështirë është në rajonet e Kievit, Odesës dhe Vinnytsias, shkruan Sky News.
Sulmet e vazhdueshme të Rusisë ndaj sistemit energjetik të Ukrainës kanë lënë miliona banorë pa energji, duke ngritur shqetësime me afrimin e dimrit.
Tutje, Zelensky tha se stafi po punon gjatë gjithë kohës për të rivendosur furnizimet me energji elektrike dhe për të zvogëluar numrin e mbylljeve emergjente me të cilat po përballen shumë banorë.
