Dy persona kanë mbetur të plagosur nga të shtënat me armë në fshatin Bardhosh të Prishtinës, raporton Zeri.info.
Rasti ka ndodhur sot rreth orës 15:30, ndërsa dy persona të panjohur kanë plagosur dy të tjerë të cilët janë dërguar në QKUK.
Rastin për “Zërin” e ka konfirmuar zëdhënësi i policisë për rajonin e Prishtinës, Agron Borovci.
“Policia ka dalë në vendin e ngjarjes dhe mbështetur në të dhënat e para, janë ngritur dyshimet se dy persona janë plagosur me armë zjarri nga persona aktualisht të panjohur”.
“Ndërkohë që viktimat janë dërguar në QKUK për të marrë trajtimin e nevojshëm mjekësor, hetuesit policor kanë nisur një hetim me qëllim të sqarimit të të gjitha rrethanave që karakterizojnë rastin si dhe identifikimin e të dyshuarve të mundshëm”, ka thënë Borovci.
